Nagpatuman sang four-day workweek ang banwa sang President Roxas, Capiz bilang kabahin sang energy conservation efforts.
Ini ang kasunod man Memorandum Circular No. 114 sang Office of the President.
Sa interview sang President Roxas, Capiz Mayor Receliste “Tanoy” Escolin, iya ginpahayag nga pagkatapos mabaton ang nasambit nga memorandum, gilayon ini nagpagwa sang Executive Order No. 32, Series of 2026, nga nagapatuman sang apat ka adlaw nga duty sa mga opisina sang banwa.
Suno kay Mayor Escolin, ginpili sang kadam-an nga empleyado nga magpadayon sa 8:00 a.m. tubtob 5:00 p.m. nga office hours, imbis nga 7:00 a.m. tubtob 7:00 p.m Apang, ang kulang nga oras amo ang work from home arrangement.
Ginpanugyanan man sang lokal nga gobyerno sang President Roxas, Capiz ang tanan nga kliyente nga i-schedule ang ila pagbisita kag mga transaksyon sa ginpatuman nga bag-o nga office hours.
