Nagapamatok si SK Federation President Niño Angelo Alcazaren Dela Paz sang President Roxas, Capiz sa ginaduso nga pagpaiway sang 2026 Barangay and Sangguniang Kabataan Elections.
Sa interview sang Bombo Radyo kay Dela Paz, iya ginpahayag nga wala sang valid nga rason sa pag-postpone sang eleksyon nga natalana sa Nobyembre 2, 2026, bangud preparado na ang Commission on Elections (Comelec) para diri.
Suno sa iya, ang pagpaiway sang eleksyon ang makaapekto sa kinamatarong sang mga botante, partikular na ang ila oportunidad sa pagpili sang lider sa lebel sang barangay.
Pahayag sang SK Federation President, unfair sa mga botante kag komunidad ang pagpaiway sang eleksyon nga mahimo maghatag sang mensahe nga ginapatalang sila sa dapat kuntani nga schedule sang pinili-ay.
Dugang pa sang natungdan, sin-o man ang luyag nga magpadayon ang pagserbisyo, mas maayo nga mapadalagan lang liwat agud mahatagan sang kahigayunan ang publiko sa pag-desisyon kun sin-o ang ila luyag nga magpungko para sa posisyon.
