Ginpaathag ni anay Sandiganbayan Presiding Justice Amparo Cabotaje-Tang sa impeachment court kun ngaa mas hugot ang mga limitasyon sa pagnegosyo para sa Presidente kag Bise Presidente.
Sa iya pagsabat kay Senator Panfilo Lacson, pahayag ni Tang nga ginadumilian sang Konstitusyon ang ila pagnegosyo bangud mas daku ang posibilidad nga maabuso nila ang ila gahum tungod sa ila posisyon.
Suno kay Tang, lain ang Presidente kag Bise Presidente kumpara sa ordinaryo nga mga empleyado sang gobyerno bangud sa kalaparon sang ila gahum kag impluwensya sa government kag sa pagdumala sang gobyerno.
Ginpaathag niya nga ang mas hugot nga mga restriksyon sa Konstitusyon ginpatuman agud malikawan ang posible nga conflict of interest kag pag-abuso sa gahum sang duha ka pinakamataas nga opisyal sang pungsod.
