Ginsiling ni Presidente Ferdinand Marcos Jr. nga ang desisyon sang Korte Suprema hanungod sa impeachment case ni Bise Presidente Sara Duterte ang nagtutok lang sa proseso, kag indi sa merito ukon kamatuuran sang mga alegasyon batok sa iya.
Madumduman nga dalayon na-archive ang kaso matapos ginsiling sang Korte nga naglapas ang Kamara sa limitasyon nga isa ka impeachment kada tuig.
Suno kay Marcos, wala siya nagapanghilabot sa desisyon sang Kongreso kag wala siya sang direktiba sa mga kaalyado niya angut diri sa diin nga suno sa iya, indi nagakabagay nga magpanghilabot sya bangud nga may posibilidad nga ma-impeach man sya.
Nagpahayag man ini sang suporta sa padayon nga imbestigasyon kag ginsiling nga mahimo magbulig ang Commission On Audit, labi pa kag naghilapit na ang budget deliberations.
Samtang, padayon ang preparasyon sang legal team ni Duterte pananglitan baliskaron sang Korte Suprema ang desisyon kag magtuga sang panibag-o nga impeachment case pagkatapos sang isa ka tuig.
Para kay Marcos, maskin ano ang matabo sa kaso, padayon lang ang iya nga trabaho kag mga prayoridad.
