NEW DELHI, INDIA- Nag-abot na si Presidente Ferdinand R. Marcos Jr. sa New Delhi, India, para sa isa ka State Visit nga nagatuyo nga pabaskugon ang diplomatic kag strategic nga koneksyon sa tunga sang Pilipinas kag India. Ang pagbisita nga ini ang nakasentro sa pagpalapad sang kooperasyon sa patag sang depensa, ekonomiya, kag seguridad.
Ginsugata sang mga opisyal sang India ang pag-abot ni Presidente Marcos ng mga opisyal kag nakatalana ini nga makighinun-anon sa mataas nga lebel kay Prime Minister Narendra Modi kag iban pa nga nagapanguna nga lider sang India. Isa sa mga nagapanguna nga katuyuan sang pagbisita amo ang pagtalakay sa mga topiko may kaantanan sa kooperasyon sa depensiba kag pang-ekonomiya, agud mapadalom ang relasyon sang duha ka mga pungsod kag aksyunan ang mga pagpanghangkat sa seguridad sa rehiyon.
Ginalauman man nga magpirmahan sang pila ka mga importante nga mga kasugtanan sa panahon sang pagbisita, nga magapalapad sang kooperasyon sa nanari-sari nga patag kaangay sang sa teknolohiya, depensa, imprastruktura, kag cultural exchange.
Ang nasambit nga state visit ang isa ka importante nga tikang sa padayon nga pagpaninguha sang Pilipinas nga palaparon kag pasangkaron ang mga foreign relations, partikular sa rehiyon sang Indo-Pacific.
