Hugot nga ginmanduan ni Presidente Ferdinand Marcos Jr ang tanan nga ahensya sang gobyerno nga siguraduhon ang kaluwasan sang publiko.
Kasunod ini sang pagbaha nga na-eksperyensyahan sa Metro Manila kag pila ka mga probinsya sa pungsod.
Ginpasalig man sang Presidente ang gilayon nga paghatag sang bulig sa mga biktima sang baha.
Ginsiling sini nga antes pa man siya nagpadulong sa US agud batunon ang imbitasyon ni Presidente Donald Trump, naka-istorya na siya sa mga pinuno sang nagkalain-lain nga ahensya.
Pila sa mga ahensya nga iya ginmitlang amo ang Department of Interior and Local Government (DILG), Dept. of Public Works and Highways (DPWH), Department of Transportation (DOTr); Office of the Civil Defense (OCD), Department of Health (DOH); Department of Energy (DOE), kag Dept. of Social Welfare and Development (DSWD).
Nagpanugyan man ang presidente sa publiko nga tumanon ang mando sang mga nagadumala ilabi na kun sila ang gina-evacuate.
