Ginpanindugan ni Presidente Ferdinand Marcos Jr nga kun wala sang solido nga rerouting plan, indi madayon ang rehabilitasyon sang Epifanio delos Santos Avenue (Edsa).
Ginsiling sini nga mangin matuod nga kabudlayan para sa mga commuters ang magsakripisyo sang duha ka tuig para sa P8.7 bilyones nga rehabilitasyon sang EDSA.
Nagakadapat nga makita niya nga ang mga lokal nga panguluhan (LGUs) handa sa pagpangita sang solusyon kag mahimo na ini nga magpadayon.
Madumduman nga personal nga gin-usisa sang presidente ang nagkalain-lain nga pasilidad sa transportasyon kag nakita ang mga sakripisyo sang mga commuters sa tion sang rush hour.
Natalana kuntani nga mag-umpisa ang nasambit nga rehabilitation sa tunga-tunga sang Hunyo apang ginkanselar sang presidente.
