Ginkumpirma sang presidente sang Integrated Bar of the Philippines (IBP) Capiz chapter nga may pito na ka mga investors sang investment scheme sa Roxas City kag probinsiya sang Capiz nga desidido magpasaka sang panumbungon ang nagpadulong na sa ila talatapan.
Ginpahayag ni Atty. Judgee Earl Ross Del Castillo presidente sang IBP-Capiz chapter, ang pito ka mga investors, biktima sang 25 days double your money investment scheme ni Junelyn Gregorio kag RGS.
Apang sa karon wala pa sang investor nga nagpadulong sa IBP-Capiz chapter office para magpasaka sang reklamo batuk kay Patroceño Don Chiyuto sang Chiyuto double your money investment scheme.
Ginklaro sang opisyal nga prayoridad sang talatapan nga buligan kag maka-avail sang libre nga legal assistance sa idalum sang IBP Legal aid program ang mga pigado nga mga investors nga iban nagpangutang sa paglaum nga ma-doble ang ila investment.
