ROXAS CITY –Ginpanindugan sang Presidente sang Lubog Farmers Association nga mga kwalipikado nga mangunguma ang nakabaton sang P5,000 nga ayuda gikan sa Department of Agriculture sa Barangay Damayan, Sapian Capiz.
Ini ang ginpanindugan ni Barangay Kagawad Rosendo Olandesca sang mainterview sang Bombo Radyo.
Ginpahayag ni Olandesca nga may yara sang enumerator nga gindesignar ang nasambit nga ahensya agud magpanglista sa mga kwalipikado nga mga mangunguma.
Suno kay Olandesca nga magluwas sa mga mangunguma nga may yara sang ulumhan nga 1 hectare, ginlista man ang may yara sang hinuptan nga kasapatan kag may yara sang tanum magluwas sa palay bangud nakasaad ini sa guidelines sang nasambit nga ayuda.
Gintul-id man sini nga 155 ka mga mangunguma ang nakabaton sang nasambit nga ayuda.
Ginpanindugan man sini nga ang Department of Agriculture Region 6 ang nag-aprubar sang mga nakabaton sang ayuda.
Samtang gin-ako man ni Olandesca nga may mga himata sini nga nakabaton sang ayuda apang gin-athag sini nga lunsay kwalipikado sila sa nasambit nga bulig
