ROXAS CITY –Ginklaro karon sang presidente sang Roxas City Tricycle Operators and Drivers Association ( RCTODA) nga wala ginakwestyon sang grupo ang operasyon sang mini bus, apang luyag lamang matul-id kun may balasehan ang ginaagyan nga ruta sang amo nga salakyan.
Ginpahayag ni Mr. Wilson Devela nga sa iya pagkahibalo kun mag-apply sang frankisa sa Land Transportation Franchising and Regulatory Board (LTFRB), dapat may yara sang route plan nga aprubado sang Sangguniang Panlungsod
Suno kay Devela nga wala sini ginakwestyon ang pagsulod sang mini bus sa syudad bangud kabahin ini sang ginatawag nga pagprogreso sang Roxas City kag kaupod sila nga mga tricycle drivers .
Dapat nga mangin bukas ang tagdumalahan sang mini bus angut sa ila route plan, bangud diri mahibaluan kun ginasunod ang napagkit sa amo nga ruta nga aprubado sang Sanggunian Panlungsod.
Apang nagaguwa nga nagalapaw sa ila ruta ang mini bus bangud nagasulod ini sa pila ka interior street sa diin ang ila rason amo ang paghatag kunsiderasyon sa hinyo sang ila mga pasahero.
Suno kay Devela nga wala kuntani sang problema diri, apang dapat nga mag-unload lamang sila sang pasahero kag indi magpangpick-up.
