Ginpalab-ot na ni Presidential Communications Office Undersecretary Claire Castro sa National Bureau of Investigation (NBI) ang ginaalegar pamahog sa iya kabuhi pinaagi sa social media post.
Suno kay Castro, may kaangtanan ini sa social media post sang Facebook page Luminous nanday Trixie Cruz-Angeles kag Amet Paglinawan nga nagaunod sang physical harm kag malala nga pamahog sa iya kabuhi.
Dugang pa ni Castro, importante nga i-report sa NBI ang nasambit nga pamahog bangud basi may malain nga matabo sa iya.
Pahayag pa niya, personal sini nga kilala si Cruz-Angeles apang indi si Paglinawan, Kun sa diin ang FB page amo man ang ngalan.
Gin-ako ni Castro nga nahadlok siya bangud indi siya anad nga mabutang sa katalagman ang iya kabuhi.
Sa subong ginatun-an niya kon pormal bala nga mag-file sang kaso.
