Naka-high alert na ang Presidential Task force on Media Security (PTFoMS) agud maproteksyunan ang mga mamamahayag batok sa mga pamahog kag pag-abuso sa tion sang eleksyon.
Sa isa ka press conference sini nga Sabado, Abril 26, gin-anunsyo sang PTFoMS executive director USec. Jose Torres Jr. nga gin-alerto ang task force pila lang ka semana antes ang 2025 midterm elections.
Suno kay Torres, isa ka reporter sa Northern Luzon ang nakabaton sang pamahog gikan sa isa ka kandidato sa kongreso sa La Paz nga si Abra Mayor Joseph Bernos paagi sa online kag video call sadtong Abril 21.
May kaangtanan ini, sa ginpahayag sang natungdan nga sa karon nagakooperar sila sa Philippine National Police (PNP) kag National Bureau of Investigation (NBI) sa tunga sang imbestigasyon angut sa ginreport nga pamahog sa reporter.
Suno sa iya, padayon nga gina-imbestigaran ang rason kon ngaa natabo ang nasambit nga insidente.
Nag-apelar man si Torres sa tanan nga mga kandidato sa eleksyon nga respetuhon ang press freedom kag tugutan ang mga mamamahayag nga himuon ang ila trabaho nga wala sang pagpamahog ukon pagpang-abuso.
