Preso nga nagpalagyo sa BJMP-Roxas City bangud nahibaluan nga may iban nga gina-upod ang live-in partner naaresto sa manhunt operation
ROXAS CITY – Pilason ang inmate nga nagpalagyo matapos naaresto sa manhunt operation sang gintingub nga pwersa sang Bureau of Jail anagement and Penology-Roxas City kag Mambusao Municipal Police Station sa Barangay Balat-an, Mambusao.
Samtang gina-estorya sang mga pulis si Jayson Sta. Maria nga nagapangatubang sang kaso nga Robbery hinali ini nga nagdalagan agud kuntani magpalagyo rason nga ini ang ginluthang sang mga otoridad.
Gilayon man nga gindala sa ospital ang inmate para mabulong ang naangkon nga pilas.
Ginapatihan nga nagpalagyo si Sta. Maria matapos nahibaluan nga may iban na nga gina-upod ang live-in partner.
