ROXAS CITY – Madinalag-on ang ginpatigayon nga Press Conference sang Department Of Trade and Industry (DTI) sa ila sini opisina sa Pueblo De Panay, Barangay Lawaan, Roxas City.
Ginpatpat diri ang ila sini nangin mga accomplishments sang nakaligad nga tuig sa diin ginsabat nila ang pila ka mga concerns sang mga konsumidor.
Nahibaluan nga kalakip sa mga gindayaw nga proyekto sang DTI amo ang Negosyo Serbisyo sa Barangay, kun sa diin sarang nga nakabulig ini sa pila ka mga nag-avail ukon mga benepisaryo nga makabulig sa ila pagnegosyo.
Ginhinalaan man ang pagsaka sang presyo sang pila ka mga produkto kaangay sang sibuyas sa magkatuhay nga mga merkado publiko sa probinsya.
Ginpahayag pa ni Asas nga ila ginpadulungan ang area sang TATC sa diin naglupok ang balita nga nagsaka ang presyo sang sibuyas apisar nga yara sa idalom sang State of Calamity ang probinsya matapos sang pagpanalasa sang Bagyo nga Ursula sang Disyembre 25, 2019.
Bangud diri, kinahanglan nga ipatuman ang price freeze sa diin indi maglapaw sa gintalana nga presyo sang mga balaklon ang ginabaligya sang mga negosyante.
Dugang pa ni Asas nga sila sa DTI mismo ang nagpamangkot sa mga vendors sa diin wala nagsalalantu ang ila mga presyo.
