Nagpatigayon sang isa ka press conference natuhoy sa patigayunon nga Bagong Pilipinas: A Caravan of Service, sumugod buwas nga adlaw sang Sabado, Oktubre 12 tubtob sa adlaw sang Dominggo, Oktubre 13 sa Hall of Governors, sa Capiz Provincial Capitol, sa sining syudad.
Ginpangunahan ni Mr. Jerome C. Calatrava, tiglawas ni USEC. Terence C. Calatrava, nagikan sa Office of the Presidential Assistant (OPA) for the Visayas, kaupod sanday Atty. Luvim D. Amores Capiz Provincial Government PIO/Concurrent HRMO kag Atty. Kaye Almeida-Yap ang nasambit nga aktibidad.
Ginhinalaan ang mga nakapanglinyada nga mga serbisyo sang SSS, PhilHealth, Pag-Ibig, DOLE, PSA, IBP, PRC, PNP, Department of Health, kag iban pa nga National Government Agencies nga mahimo makuha sang mga benepisyaryo kag maluyagon nga mga pumuluyo sang probinsya.
Mahibaluan nga sa kasubong man nga aktibidad, natalana man nga magpanagtag sang cash assistance halin sa Ayuda sa Kapos ang Kita Program (AKAP) sa Capiz Villareal Stadium, nga ginakalakipan sang may kabilugan nga 9,000 beneficiaries, kun sa diin may 500 beneficiaries ang identified sa mga kabanwahanan kag 1,000 beneficiaries naman ang gikan sa siyudad sang Roxas.
Ginpasiguro naman ni Atty. Luvim Amores, ang Capiz Provincial Government PIO nga preparado na sila sa plano, siguridad kag venue para sa masobra 9,000 ka mga umatinder.
