Ginsiguro sang Department of Justice (DOJ) nga magapabilin nga inosente sanday Sheila Guo kag Cassandra Li Ong apisar nga hawid na sila sang Bureau of Immigration (BI).
Suno kay Justice Sec. Jesus Crispin Remulla, korte lamang ang mahimo nga magdesisyon kung guilty ang mga ini sa posible kaso nga ila paga-atubangon.
Sa karun, ang paglapas lamang sa Immigration Law ang nakit-an sang DOJ nga mahimo ipasaka batuk kanday Guo kag Ong.
Mahibaluan nga yara ang duha sa inquest proceedings sa National Bureau of Investigation (NBI).
Ginahulat pa sa sang DOJ ang mangin desisyon sang Senado kag Kamara bangud sa pending warrant of arrest nga ginisyu batuk sa mga ini.
Matandaan nga ginpadeport kahapon nagikan sa Indonesia sanday Guo kag Ong matapos mapamalabagan sa airport padulong kun tani sa Malaysia.
