Posible nga magsaka ang presyo sang well-milled rice halin sa P45 tubtob sa P70 kada kilo antes matapos ang tuig kon ang presyo sang langis nagapabilin nga mataas bangud sang tensyon sa Middle East.
Suno kay Department of Agriculture Secretary Francisco Tiu Laurel, ang pagsaka sang gatong direkta nga nagaapekto sa gasto sa produksyon, abono, kag logistics, gani magataas ang presyo sang nagapanguna nga pagkaon.
Kon ang langis maglab-ot sa $200 kada bariles, ang presyo sang manok mahimo nga magtaas halin sa P200 tubtob P324.64 kada kilo kag ang pork liempo kag pigue halin sa P350–P370 magasaka sang P588.10 kada kilo.
Ginpahanumdom ni Laurel nga dapat pabaskugon sang gobyerno ang price monitoring, target food assistance, buffer stock releases, kag price caps.
Posible man nga mabuhinan ang gasto paagi sa fuel subsidies kag paggamit sang biofertilizers kag organic alternatives.
