May pagtaas na sa presyo sang bugas sa Teodoro Arcenas Trade Center bangud sa padayon nga pagsaka sang presyo sang gatong.
Sa interview sang Bombo Radyo kay Edilberto Cambe, President sang Roxas City Rice Retailers Association, iya ginpahayag nga ang pagsaka sa presyo sang bugas amo ang mga masunod:
Regular Mild Rice – P50-P52 per kilo
Well Miled Rice – P55 per kilo
Premium Rice – P58 per kilo
Imported/Special Rice ( lakip na ang Jasmin, Via, Dinorado) – P60 per kilo
Suno kay Cambe,l akip man sa rason sang pagsaka sang presyo sang bugas amo ang mataas na nga baklanay sang palay nga halin sa P18-P20 kada kilo ang naglab-ot na sa P23- P25 kada kilo.
Pahayag pa niya, bangud sa padayon nga pagsaka sang presyo sang gatong, nagtaas man operating expenses lakip na ang transportation fee sa pagpagaling sang palay rason nga wala na nagdayon ang iban pa nga mga mangunguma sa ila nga 3rd cropping rason nga may lauman nga paghulag sa presyo sang palay kag bugas.
Apang, gin-athag naman sang natungdan sini nga may yara sa gihapon sang bastante nga supply sang bugas sa merkado.
