Nagapabilin nga wala sang paghulag ang presyo sang bugas sa Teodoro Arcenas Trade Center (TATC) apisar nga nagsaka ang presyo sang gatong.
Sa interview sang Bombo Radyo kay Mr. Edilberto Cambes, President sang Rice Retailers Association sa TATC, iya ginpahayag nga indi apektado ang presyo sang bugas sa mercado tuga man sa nagapadayon nga tensyon sa Middle East.
Gin-athag ni Cambe, nga nagsaka ang presyo sang bugas sang nagligad pa nga semana indi bangud sa giyera kundi bangud man sa pagtaas sang presyo sang Palay.
Suno sa iya sang nagligad nga duha ka semana nagsaka ang presyo sang local nga bugas halin sa P1.00 tubtob sa P5.00 sa kada kilo.
Regular Milled Rice – P40.00 nagsaka sang P45.00
Well Milled Rice – P45.00 nagsaka sang P50.00 kag ang
Imported Rice – nagapabilin sa gihapon sa P55.00
Ang pagsaka sang presyo, ini bangud man nga may paghulag ang presyo sang bugas nga ginabyahe halin sa iban nga probinsya.
Dugang pa ni Cambe, nagasunod gid sila sa tama nga presyo agud man nga indi mabudlayan ang mga bumalakal.
Nagpanawagan man ang natungdan sa publiko kag sa konsumedor nga indi magkabalaka bangud man nga bastante ang stock sang bugas sa Probinsya sang Capiz.
