-- ADVERTISEMENT --
Nag-umpisa na sa pagsaka ang presyo sang bulak nga ginabaligya sa Lapu-lapu Street, Roxas City samtang nahilapit nga Valentine’s Day.
Sa interview sang Bombo Radyo kay Louisa Dela Peña, tag-iya sang flower shop, iya ginpahayag nga masami nga ginabakal subong ang mga imported nga mga bulak para sa palaabuton nga Pebrero 14.
Suno kay Dela Peña, na notaran niya nga wala nagadepende sa sahi sang bulak ang ginabakal sang mga customer kundi sa budget nga sarang ma-afford sini.
Pahayag pa niya, bastante ang supply sang bulak nga ila ginabaligya bangud padayon ang pag-abot sang stocks halin sa iban nga mga lugar.
Nagpanawagan man ang natungdan sa publiko nga magbakal sang bulak sang timprano agud nga makapili pa sang madamo nga sahi.
