Presyo sang bulak, nagsaka kadungan sang Valentine’s Day subong nga adlaw

Nagsaka ang  presyo sang bulak nga ginabaligya sa Lapu-lapu Street, Roxas City  kadungan sang  Valentine’s Day subong nga adlaw.

Sa interview sang Bombo Radyo kay Louisa Dela Peña, tag-iya sang flower shop, iya ginpahayag nga madahog ang baklanay sang customers sang rose, sunflower, carnation, kag star gazer.

Suno kay Dela Peña, mas manami gid nga fresh bouquet ang ihatag sang kahagugma bangud diri man makita ang sinsero nga intention ukon paghatag importansya sa isa ka relasyon.

Pahayag pa niya, aga pa lang kaina, nagahanda na sila sang ila mga baligya agud masiguro nga ang mga manugbakal makakuha sang pinakapreska kag pinakamatahom nga mga bulak para sa ila pinalangga.