ROXAS CITY – Nagtaas ang demand sang face shield diri sa probinsya sang Capiz kasunod sang padayon nga pagsaka sang kaso sang Coronavirus Disease ukon COVID-19 sa Pilipinas.
Base sa pagpanalawsaw sang Bombo Radyo nga nagmahal na ang baligya sang Face Shield sa mga merkado, malls kag mangin sa online selling.
Ini matapos nga gina-required na sang Department of Transportation (DOTr) sa mga pampubliko nga salakyan ang No Face Shield, No Ride Policy sa maabot nga Agosto 15, 2020 sa pungsod.
Magluwas sa face shield dapat magsuksok man ang mga pasahero sang face mask kag mag-obserbar sang physical distancing.
Nahibaluan nga nagabalor sang P45 pataas kag indi magnubo sa P100 ang balor sang face shield depende sa kalidad sini.
Samtang, wala pa sang may ginpaguwa nga suggested retail price ukon SRP ang Department of Trade Industry (DTI) natuhoy sa presyo sang amo nga produkto.
