Nagsaka ang presyo sang galungong sa merkado sa pagsugod sang bulan sang Nobyembre.
Suno kay DA Secretary Francisco Laurel Jr., mas manubo ang produksyon sang galunggong subong nga tuig ikumparar sang nagligad nga tuig.
Dugang pa niya, naapektuhan ini sang presensya sang El Niño sa tuig 2024 nga amo ang rason sang mas daku nga volume sang galunggong nga nadakpan sang mga mangingisda.
Kon balikan naton sang tungatunga sang Oktubre, ang nasambit nga isda ang may average nga presyo nga P244.66 kada kilo.
Apang base sa updated report sang Department of Agriculture (DA) halos P100 na ang pagtaas sang kada kilo.
Sa nasambit nga report, ang mga lokal nga galungong ang may presyo nga P337.11 kada kilo. nagalab-ot ini sa 12-14pcs ang isa ka kilo .
Mas manubo sang gamay ang presyo sang imported nga galungong nga nagalab-ot sa P302.22 kada kilo.
Samtang, mas mahal ang presyo subong kon ipaanggid sa presyo sang galunggong sining nagligad nga tuig.
Matandaan, una man nga gin-aprubahan sang Department of Agriculture ang pag-import sang tubtob 55,000 metric tons (MT) sang magagmay nga pelagic fish kaangay sang galunggong agud masabat ang manubo nga domestic production.
