May gamay nga pagnubo sa presyo sang gasolina samtang magasaka naman ang presyo sang diesel kag kerosene sa ulihi nga semana sang Hulyo, suno sa mga anunsyo sang oil industry sources.
Ipatuman ang mixed movements sang presyo sang produktong petrolyo buwas nga adlaw, Hulyo 29.
Yara ang mga masunod nga ipatuman nga pagbag-o sa presyo:
- Gasolina – maganubo sang ₱0.10 kada litro
- Diesel – magasaka sang ₱0.60 kada litro
- Kerosene – magasaka sang ₱0.40 kada litro
Samtang, nagapabilin ang price freeze ukon pagpugong sa pagtaas sang presyo sang diesel sa pila ka lugar sa pungsod nga ginlaslas sang asud-asod nga bagyo. Suno sa oil industry, kalakip sa mga lugar nga sakop sang price freeze ang La Union, Ilocos Sur, kag pila ka banwa sa Pangasinan kasubong sang Dagupan, Alaminos, Mangaldan, San Fabian, Calasiao, Malasiqui, Bayambang, kag Binmaley.
Ginapatuman ang price freeze bilang kabahin sang bulig sang gobyerno kag mga pribado nga kumpanya sa mga komunidad nga naapektuhan sang kalamidad.
