-- ADVERTISEMENT --
Wala ginapaabot sang Department of Energy (DOE) nga maganubo sa pre-war levels ang presyo sang gatong sa madasig nga tion bangud sa nagapadayon nga conflict sa Middle East.
Nagsaka liwat ang global oil prices matapos atakehon sang Houthi fighters ang isa ka airport sa Saudi Arabia.
Natabo ini matapos ang pila ka bulan nga nagtaas ang tensyon sa Middle East kasunod sang US-Israeli attack sa Iran.
Suno kay DOE Secretary Sharon Garin, bangud sa exchange rate kag sa nagapadayon nga sitwasyon sa Middle East, ginapaabot nga indi pa magbalik sa pre-war levels ang presyo sang gatong sa sulod sang subong nga tuig.
Mahimo man, suno sa iya, nga magpabilin nga mataas ang presyo sang gatong tubtob sa adlaw sang Paskwa.
-- ADVERTISEMENT --
