ROXAS CITY, CAPIZ – Nag amat-amat nubo ang presyo sang bugas sa Teodoro Arcenas Trade Center matapos ang pag-lift sang import ban.
Sa interview sang Bombo Radyo kay Edilberto Cambe,President sang Roxas City Rice Retailers Association, iya ginpahayag nga bastante ang supply sang imported kag local nga bugas sa merkado.
Suno kay Cambe, yara na sa P58 per kilo ang imported nga bugas sa subong, mas manubo kun ipaanggid sa P60-P65 per kilo sang tinalikdan nga tuig.
Pahayag pa niya,mas maganubo pa ang presyo sini kun magpadayon ang pag-abot sang imported nga bugas sa probinsya.
Nahibaluan nga gin-lift na sang bulan sang Enero ang import ban sa bugas nga may tinutuyo nga masuportahan ang supply sa pungsod.
Nagpasiguro man ang natungdan nga ang tanan nga manugbaligya sa Teodoro Arcenas Trade Center ang magasunod sa husto nga presyo sang bugas, imported man ukon lokal.
INTERVIEWED BY: BOMBO ROADNIE DABAN DALANON VIA ZONA LIBRE
