Ginalauman nga magapabilin nga estable ang mga presyo sang mga produkto nga kinaandan nga ginabakal sa subong nga tigkalalag, kaangay sang mga kandila kag bottled water, suno sa Department of Trade and Industry ukon DTI.
Suno kay Trade Secretary Cristina Roque, wala pa sila sang nabaton nga request gikan sa mga manufacturers nga pataason ang presyo sang mga basic goods.
Ginpasiguro man sini nga bastante ang supply sang mga produkto sa pihak sang ginalauman nga epekto sang El Niño.
Samtang, ang Department of Agriculture nagapangayo sang halos P62 billion nga pondo para sa mga tikang sa pagpahaganhagan sang epekto sang El Niño sa produksyon sang pagkaon, lakip ang bulig sa mga mangunguma kag pagpauswag sang imprastraktura.
Padayon naman nga nagapatigayon sang inspeksyon sa mga pabrika agud mamonitor ang imbentaryo kag presyo sang mga produkto.
