Tion na agud mapanubo ang presyo sang kuryente agud mapuslan sang mga Pilipino.
Ini ang ginpahayag sang liderato sang Kamara de Representantes kag mga miyembro sang Young Guns kadungan sang ila pagdayaw sa pahayag ni Speaker Ferdinand Martin G. Romualdez nga ipaidalum sa komprehensibo nga pagrepaso ang Electric Power Industry Regulation Act (EPIRA) agud mapanubo ang presyo pungsod.
Mahibaluan nga ginkasugtan sang mga mamalidha ang pahayag ni Romualdez nga magpatigayon ang Kamara sang komprehensibo nga pagtuon sa EPIRA agud dalayon na nga mapanubo ang presyo sang kuryente.
Apisar nga may yara sang mga ginapahayag nga plano sadtong nakalihad, wala pa suno diri sang nagahimo sang pag-repaso sa nasambit nga layi.
Kalakip diri ang pag-amyenda sa EPIRA sa 28 nga hagna nga ginatumod sa Legislative-Executive Development Advisory Council (LEDAC) kung sa diin pagahatagan sang prayoridad ang pagpasa antes magtakop ang 19th Congress sa Hunyo 2025.
Kadungan sang pagtalakay sang manubo nga panalgan sang Kongreso sa pag-renew sa prangkisa sang Manila Electric Company (Meralco), ginsiling sang mga mamalidha nga tion na agud ilakip ang diskusyon sa pagpanubo sang suktanay sa kuryente.
Lunsay ginpunto sang mga lider sang Kamara kag Young Guns nga kung mapanubo ang presyo sang kuryente, magaresulta ini sa pag-umwad sang ekonomiya.
Mahibaluan nga ang Pilipinas ang isa sa may pinakamataas nga pagsuktanay sa kuryente sa bilog nga ASEAN region.
