Presyo sang langis sa world market, nagtaas bangud sang tensyon sa Middle East

Nagtaas ang presyo sang langis sa international market bangud sa kahadlok sa posible delay sang supply halin sa Middle East.

Suno sa report, wala sang klaro sa posibilidad nga peace agreement sa tunga sang Estados Unidos sang America kag Iran bangud may mga pag-atake man sa mga barko sa Strait of Hormuz kag Bab el-Mandeb Strait.

Bangud sini, nagsaka sa $89.63 kada bariles ang presyo sang Brent crude samtang ang West Texas Intermediate (WTI) ang naglab-ot sa $83.91 kada bariles.

Samtang, nagpaandam ang U.S. Energy Information Administration (EIA) nga mahimo magpadayon tubtob 2027 ang pagka-delay sang supply sang langis gikan sa Middle East.