-- ADVERTISEMENT --
Nagnubo sang gamay ang presyo sang liquefied petroleum gas (LPG) subong nga bulan matapos gin-anunsyo sang Department of Energy (DOE) ang pagnubo sang P0.40 kada kilo, katumbas sa P4.40 para sa isa ka standard nga 11-kilogram nga tangke.
Suno kay Energy Secretary Sharon Garin, importante ang anuman nga savings para sa mga pamilya nga nagasalig sa LPG para sa ila adlaw-adlaw nga pagluto.
Gin-athag sang ahensya nga apisar nga nagtaas ang presyo sang international LPG contract, ini ang na-offset sang pagnubo sang freight shipping rates kag gamay nga pagbaskog sang piso nga nagresulta sa mas manubo nga kabug-usan nga gasto para sa imported LPG.
