Target sang Department of Agriculture (DA) nga mapanubo ang presyo sang lokal nga bugas sa tunga-tunga sang P47 tubtob P50 kada kilo sa masunod nga mga binulan bangud sang ginalauman nga pagsaka sang supply samtang nagahilapit ang tig-alani.
Suno kay Agriculture Secretary Francisco Tiu Laurel Jr., bastante ang supply sang bugas sa pungsod kag ginalauman nga magapabilin nga stable tubtub sa katapusan sang tuig.
Dugang pa ni Laurel nga ang National Food Authority (NFA) mas preparado na subong sa pagbakal sang palay (unmilled rice) gikan sa mga mangunguma, bangud ang mga bodega sini may bastante nga kapasidad sa pag-akomodar sang dugang nga 500,000 metric tons.
Samtang, ang presyo sang pila ka mga high value nga mga utanon mahimo nga temporaryo nga magtaas bangud sang mabaskog nga ulan, bisan pa nga ginalauman nga magabalik ini sa normal nga lebel sa sulod sang pila ka adlaw tubtob isa ka semana.
