Posible nga maka-eksperyensya ang mga konsumidor sang daku nga pagnubo sang presyo sang liquefied petroleum gas (LPG) sa masunod nga bulan matapos nga nagnubo ang contract price sang cooking gas sa international market kasunod sang paghagan-hagan sang tensyon sa Middle East.
Suno sa mga report, ang contract price sang LPG nagnubo sang ginabanta $200 kada metric tons.
Kon padayon ini nga magnubo tubtob sa Hunyo 30, ang rollback mahimo maglab-ot sa ₱12 kada kilo, katumbas sa ginabulubanta nga ₱132 nga pagnubo sa presyo sang kada 11-kilo nga tangke.
Nahibaluan nga sa Pilipinas, ang presyo sang LPG masami nga gina-adjust makaisa lang sa isa ka bulan, kada sa una nga adlaw sang bulan.
Kon ang contract price padayon nga magnubo sa international market, ginalauman nga ang retail price sang LPG mahimo nga magnubo pa gid sa ginabanta P1,000 tubtob P1,400 kada 11-kilogram nga tangke, depende sa lokasyon kag presyo sang tagsa ka supplier.
