Presyo sang LPG, posible nga magtaas sang tubtob sa P27 kada 11kg nga tangke

Posible nga magtaas ang presyo sang liquefied petroleum gas (LPG) sa masunod nga mga inadlaw bangud sa liwat nga tensyon sa Middle East.

Ginabulubanta nga P27.50 ang mahimo idugang sa presyo sang 11-kilogram na LPG cylinder, katumbas sa halos P2 kada kilo suno sa LPG Marketers Association (LPGMA).

Suno sa LPGMA Founder kag Chairman Arnel Ty, apektado ang presyo matapos ang liwat nga tensyon sa tunga sang Estados Unidos kag Iran nga nag-apekto sa pangkalibutanon nga supply sang LPG.

Nagtuga ini sang kabalaka sa pila ka mga tag-iya sang negosyo, nga nagsiling nga mahimo nila ipasa ang dugang nga gasto sa mga konsumidor agud mapadayon ang ila mga operasyon.