ROXAS CITY – Padayon nga ginamonitor sang pamunuan sang Teodoro Arcenas Trade Center ukon TATC ang paghulag sang presyo sang mga nagapanguna nga produkto kasunod sang mga reklamo nga tuman ka mahal sang presyo sang pila sa mga sini sa nasambit nga merkado.
Ginpahayag ni Mrs. Heloise Mendoza, Market Adminstrator sang Teodoro Arcenas Trade Center nga wala sang pagsaka sa presyuhanay sang karne sang baka, baboy kag manok.
Suno sa kay Mendoza nga nagapabilin nga P200 per kilo ang presyo sang baboy, P147 per kilo ang presyo sang manok kag P280 per kilo ang presyo sang karne sang baka.
Apang ginkumpirmar ni Mendoza nga may yara sang pagsaka sang P2-5 per kilo sa presyo sang mga prutas kag utan sa merkado bangud mabudlay ang pagpasulod sang mga deliveries sang mga produkto bangud sa strikto nga inspection sa mga border checkpoints.
Wala naman sang pagsaka sa presyo sang mga groceries kag mga de-lata sa nasambit nga merkado.
