Nagapabilin nga barato pa sa karon ang presyo sang mga bouquet sa mga flowershops diri sa syudad sang Roxas.
Suno kay Nanay Bebeng, owner sang isa ka flowershop, ginapahayag nga lauman sang mga manugbakal sang bouquet ang pagsaka sang presyo sang mga ini sa adlaw mismo sang Valentine’s Day.
Ini bangud man sa supply kag presyuhanay sang ila nga mga suppliers.
Samtang, pahayag naman ni Nanay Vicky, apisar nga may posibilidad nga magbag-o ang presyo sang mga bouquet, magapabilin man sa gihapon ini nga mabakal sa adlaw sang tagipusuon.
Apang, kung sa mga regular days ang baklanay sang mga bulak, chocolates kag teddy bears, ang mahina apang indi man suno ini ma zero ang ila nga adlaw.
Mahibaluan nga ang presyo sang dried flowers bouquet ang yara sa P250.00 tubtob P1,000.00 kag ini ang nakadepende sa klase kag kadagkuon, sa fresh flowers bouquet naman ang yara sa P50.00 tubtob P5,000.00, sa Teddy Boquet with Choco & Dried Flowers naman ang yara sa P350.00 tubtob P750.00, sa solo nga Chocolates ang yara sa P250.00 tubtob P1,500.00.
Sa karon, madamu na sang mga nagapareserve sang bulak kag ginalauman pa sini ang pagdagsa sang mga magabakal sa adlaw mismo sang Valentine’s Day.
