Madugay na nga nagasaka ang presyo sang kadam-an nga mga nagapanguna nga balaklon sa mga merkado antes pa ginpahayag sang Philippine Amalgamated Supermarkets Association (PAGASA) nga may madugang pa nga pagtaas sa pila ka produkto subong nga adlaw.
Ginpahayag ni Amihan Mabalay, tagpamaba sang Samahan kag Ugnayan sang mga Konsyumer para sa Ikauunlad sang Bayan (SUKI) Network, nga madugay na nga nagataas ang presyo kag ini ang ginabantayan nila sa mga supermarket kag pati na sa mga merkado.
Suno sa iya, may mga kompanya nga nagasiling nga wala sila nagadugang presyo, apang limitado lamang ini sa pila ka klase sang produkto kag indi sa pangkabilogan.
Dugang pa, may mga baligyaan man nga nagapataas sang presyo bangud sa mga external nga rason nga ginapasa diretso sa konsumidor.
Apisar gamay lang ang kada pagtaas, kun pirme ini matabo, mabatyagan gid sang mga manugbakal ang epekto sa ila adlaw-adlaw nga gastos.
