ROXAS CITY – Wala sang paghulag sa presyo sang mga nagapanguna nga balaklon ukon basic necessities and prime commodities sa probinsya sang Capiz.
Ini ang ginkompirmar ni DTI-Capiz Provincial Director Kenn Quennie Cuñada sang mainterview sang Bombo Radyo.
Suno kay Cuñada nga base sa ila ginpatigayon nga monitoring sang Nobyembre 6, wala pa sang mga produkto nga nagpasaka sang presyo kapareho sang mga noche buena items kag media noche items.
Ginpahayag pa sini nga ginamonitor man nila ang tagsa ka mga produkto nga ginabaligya sa mga supermarkets, malls, establisyemento kag madamo nga iban pa.
Samtang, nagpanugyan naman ini sa mga kunsomidor nga subong pa lamang magbakal na sang mga nagapanguna nga balaklon para sa paskwa kag bag-ong tuig antes pa magpatuman sang pagsaka sa presyo ang mga manufacturers sang mga nagapanguna nga produkto.
