Nagpasalig ang Department of Trade and Industry (DTI) nga wala sang plano nga pagsaka sa presyo sang mga nagapanguna nga kinahanglanon kag prime commodities, lakip na ang bottled water sa pihak sang ginapaabot nga epekto sang “Super El Niño” phenomenon sa pungsod.
Suno kay DTI Secretary Maria Christina Roque, wala pa sang may nabaton nga request ang ahensya gikan sa mga manufacturers nga pataason ang presyo sang mga essential goods.
Dugang pa sang tiglikom bastante ang supply sa merkado kag padayon ang ila pagmonitor kag pagpakig-angot sa mga manufacturers agud mapabilin ang stability sa merkado.
Naghingyo man si Roque sa publiko nga likawan ang panic buying ukon sobra nga stockpiling sang mga balaklon, agud malikawan ang posible nga kakulang sang supply.
Kaangot naman sa palaabuton nga holiday season, ginpahibalo sang ahensya nga wala sa gihapon sang narekord nga paghulag sa presyo sang Christmas goods sa subong samtang ang DTI ang nakatutok sa gihapon sa mga basic goods.
