Natalana nga magataas ang presyo sang pila ka mga produkto sa mga supermarket umpisa Abril 1 suno sa supermarket group sang pungsod.
Kasunod ini sang pagsaka sang presyo sang langis bangud sa nagapadayon nga tensyon sa Middle East.
Suno kay Philippine Amalgamated Supermarkets Association Inc. President nga si Steven Cua, pila na ka manufacturers ang nag-anunsyo sang pagtaas sang presyo.
Lakip man sa mga apektado nga produkto amo ang pasta, noodles, canned goods kag candies subong man ang mga bottled water.
Ginpahayag man nga posible nga madugangan ang presyo tubtob sa 10 percent.
Ginsiling man niya nga ang mga pag-adjust sang presyo mahimo nga indi lang mapatuman sang makaisa, bangod ang mga manufacturer mahimo magpatuman sang amat-amat nga pagtaas sang presyo depende sa kahimtangan sang merkado kag demand.
