Nagpaguwa na sang Department of Trade and Industry (DTI) ang 2024 Noche Buena products price guide, kun sa diin madamo sa essential items nga ini ang nagpabilin sa ila 2023 prices samtang ang iban ang nagnubo pa ang presyo.
Suno sa DTI, ang guide ang ginakalakipan sang presyo para sa 236 stock keeping units (SKUs) gikan sa 22 Noche Buena manufacturers sa 12 categories: ham, queso de bola, fruit cocktail, cheese, sandwich spread, all-purpose cream, mayonnaise, pasta noodles, elbow and salad macaroni, tomato kag spaghetti sauce.
Ginpahayag sang DTI nga wala nagbag-o ang presyo sa 121 SKUs, kalakip ang holiday staples sa pila ka brands sang ham, fruit cocktail, queso de bola, sandwich spread, cheese, spaghetti sauce, tomato sauce, kag all-purpose cream.
Ang 13 SKUs nga nagnubo ang presyo ang ginakalakipan sang mga piling brands sang mayonnaise, pasta, elbow macaroni, salad macaroni, kag all-purpose cream.
Suno sa DTI, tuyo sang price guide nga hatagan ang mga consumer sang madamo nga pilian subong nga holiday season.
Ang mga presyo nga nakalista sa Noche Buena price guide ang magapabilin nga epektibo tubtob Dec. 31 agud masiguro ang access sa reasonable nga presyo sang mga produkto tubtob Media Noche.
Ang kumpleto nga detalye sang 2024 Noche Buena price guide ang naka-upload sa website kag social media platforms sang DTI. Dugang pa sang DTI nga hugot sini nga ginabantayan ang presyo sang Noche Buena items sa bilog nga pungsod.
