Ginalauman nga magataas liwat ang presyo sang mga produktong petrolyo sa Abril 29, suno sa Department of Energy (DOE), kasunod sang nagalala nga supply tensions bangud sa bag-o nga sanctions nga ginpatuman sang Estados Unidos batok sa oil shipping network sang Iran.
Suno kay Assistant Director III Rodela Romero sang Oil Industry Management Bureau, yari ang ginalauman nga pagsaka sang presyo:
Gasolina: P0.80 – P1.40/litro
Diesel: P0.40 – P1.00/litro
Kerosene: P0.50 – P0.70/litro
Ang pagsaka sang presyo kasunod sang tikang sang US Treasury nga pagahatagan sang sanksyon si Seyed Asadoollah Emamjomeh, isa ka Iranian LPG magnate, kag ang iya corporate network.
Suno kay US Treasury Secretary Scott Bessent, ang grupo ni Emamjomeh amo ang responsable sa pag-export sang minilyon ka dolyar nga balor sang Iranian LPG kag krudo sa merkado sa luwas agud malikawan ang nagaluntad nga sanctions sang US.
Magluwas diri, ang presyo naapektuhan man sang pagnubo sang imbentaryo sang langis sa US, nga nagapakita sang mas mataas nga demand.
