-- ADVERTISEMENT --
Nagnubo ang presyo sang mga school supplies subong nga tuig bangud sang bastante nga supply sa merkado kag mas manubo nga gasto sa pagbakal sang mga negosyante.
Suno kay DTI Secretary Maria Cristina Roque, narekord ang pagnubo sang presyo sang pila ka mga gamit sa eskwelahan, kon sa diin ang presyo sang pila ka mga produkto ang nagnubo sa tunga sang P1 tubtob P8.
Dugang pa niya, nakabenepisyo ang mga local sellers kag vendors sa mas barato nga supplies rason nga makapanubo sila sang presyo nga wala naga-apekto sa ila kita.
Ginpasalig man ang ahensya nga padayon ang ila pagmonitor sa mga nagabaligya sang school supplies agud masiguro nga nagasunod ang mga ini sa gintalana nga price guides.
