Presyohanay sang mga produkto sa merkado para sa palaabuton nga holiday season, indi pa mahambal kun may pagtaas ukon wala.
Sa interview sang Bombo Radyo kay Ms. Merian Asas, Division Chief sang DTI Capiz, ginpahayag nga sa karon indi pa sini mahambal nga kun may pagtaas ukon wala pag-abot sa presyo sang mga nagapanguna nga balaklon sa merkado kasubong sa basic commodities, prime commodities, kag mandatory products.
Dugang pa sini, may mga rason ukon factors kun ngaman may pagtaas sa presyuhanay sang mga balaklon, kasubong nalang sang raw materials.
Sa Noche Buena Package naman, wala pa sang may sulundan ukon data ang ila talatapan para makita kun ano ang mangin hulag sang presyuhanay sini sa palaabuton nga holiday season apang, ginalauman man sang mga ini nga sa maabot nga 2nd-3rd week sang November, magaguwa na ang suggested retail prices sa mga nasambit nga produkto.
Pag-abot naman sa mga mandatory products kasubong sang produkto nga mga electronics, ilabi na sa mga christmas decors, christmas lights kag kung ano pa nga mga appliances, indi man suno diri sang problema ang presyuhanay bangud ginasiguro man sang mga ini ang kalidad sang nasambit nga mga produkto.
Samtang, padayon kag proactive naman ang talatapan sang DTI Capiz sa pag-monitor sang mga presyo sang produkto sa merkado.
