Ginapreparar na sang Department of Trade and Industry (DTI) ang price guide sang Noche Buena products para sa sini nga tuig.
Suno kay Atty. Cherryl Carbonell, officer-in-charge sang DTI Consumer Protection and Advocacy Bureau, ini agud para mabuligan ang publiko nga maka-budget kag makalantaw sang mga puwede nga pilian nga ihanda sa Noche Buena.
Samtang agyd makatipid ginpanugyanan sang mga supermarket owner ang publiko nga timprano nga magbakal sang ila nga ihanda sa Noche Buena.
Suno sa Philippine Amalgamated Supermarkets Association (PAGASA), ang price adjustments ang ginalauman na samtang nagahilapit ang Paskwa kag ginahulat na lamang nila ang price guide para sa Noche Buena items nga ipaguwa suno diri sang DTI sa Biyernes.
Sa datos halin sa Philippine Statistics Authority (PSA), ang presyo sang Noche Buena ingredients kasubong sang sweet ham, fruit cocktail, processed cheese, mayonnaise kag spaghetti ang medyo nagtaas halin sang Setyembre tubtob Oktubre.
Ginpanugyanan sang grupo ang publiko nga hingalitan ang kahigayunan nga makabakal sang nasambit nga mga produkto sa mas manubo nga presyo.
