Price hike sa tinapay kag sardinas, ginapanawagan sang mga food manufacturer

Nagpanawagan ang mga food manufacturer kag baker sa Department of Trade and Industry (DTI) sang dugang nga presyo sa sardinas kag tinapay kun sa diin pareho nga ginakabig nga staple food sang madamo nga Pilipino.

Suno sa mga grupo, sadto pa dapat nagpatuman sang price hikes sa sardinas kag tinapay.

Nahibaluan nga ginaduso sang Sardines Association of the Philippines ang tubtob P3 nga taas-presyo sa sardinas.

Nagahinyo naman ang grupo nga PhilBaking sang P5 price increase sa Pinoy tasty bread kag pandesal matapos ang masobra isa ka tuig kag tunga sang fixed prices.

Suno sa mga baker, nabudlayan sila nga i-subsidize ang balor sang barato nga tinapay.