Nagpangako ang Thai Prime Minister Anutin Charnvirakul nga ipatuman ang mas estrikto nga mga kasuguan sa pusil kasunod sang insidente sang pagpangluthang sang 14-anyos nga estudyante sa Nonthaburi nga nagpatay sang walo ka mga indibidwal kag 22 ka iban pa nga napilasan.
Nahibaluan nga una nga ginpatay sang gunman ang iya lolo kag lola antes nagkadto sa Debsirin School, kon sa diin gintiro niya ang lima ka mga manunudlo kag pagkatapos sini naghikog.
Suno sa kapulisan, ginapanag-iyahan sang iya lolo ang pusil kag mga bala nga gingamit kag legal nga rehistrado.
Ginpahayag naman sang Prime Minister nga ang bag-o nga kasuguan magalimit sang pagdala sang mga pusil sa publiko, nga nagapahanugot lamang sa mga opisyal sang gobyerno nga nagabantay sa pagdala sini.
Padayon ang imbestigasyon sang mga otoridad agud matukiban ang dugang nga detalye sa palibot sang makangilidlis nga pagpangluthang.
