-- ADVERTISEMENT --
LONDON – Nadesisyonan ni Prince Andrew nga untaton na ang paggamit sang iya royal titles lakip na ang “Duke of York” matapos ini mag-istorya sa iya utod nga si King Charles III.
Suno kay Prince Andrew, tanan nga mga ginahaboy nga akusasyon batuk sa iya kag mga iskandalo nga konektado sa iya ang nagakaapekto na sa importante nga trabaho sang King kag sang Royal Family.
Nahibaluan nga si Prince Andrew ang ginapakamalaot sa sulod na sang pila ka tuig bangud sa iya pakig-abyan kay Jeffrey Epstein, ang convicted sex offender kag ang ginaalegar koneksyon sini sa Chinese spy nga si Yang Tengbo.
Apang ang ini tanan nga akusasyon ang iya ginpanginwala.
