-- ADVERTISEMENT --
Isa ka South Korean national nga ginsentensyahan sang 60 ka tuig nga pagkapriso sa Pilipinas ang ginapahayag nagplano nga magpalagyo gamit ang drone.
Ang nasambit nga priso amo si Park Wang-yeol, 47 anyos, nga ginaalegar nagpatigayon sang test flight gamit ang drone nga makasarang mag-alsa sang tubtob 75 kilograms nga tawo.
Ginpahayag nga natukiban sang mga otoridad ang plano matapos makuha ang video sang test flight.
Ginabulubanta nga kapin sa ₱4.6 million ang gingasto ni Park sa paghanda sang plano sa pagpalagyo.
Matandaan nga una na ini nga nakapalagyo sa kustodiya sang 2017 kag 2019 samtang ginasaylo para sa court hearing.
-- ADVERTISEMENT --
