Ginganyat ni House Minority Leader Marcelino Libanan ang gobyerno nga magtukod sang bag-o nga International Prisoner Transfer Program kasubong sang sa Estados Unidos nga may katuyuan nga masaylo sa Pilipinas ang mga nakabilanggo nga Pinoy nga napamatbatan sa nagkalain-lain nga kaso sa iban nga pungsod.
Suno kay Libanan, pinaagi sini mapalapit sa ila nga mga pamilya ang mga na-convict nga mga Pinoy para sa ila nga rehabilitasyon.
Partikular nga ginhaylo ni Libanan ang Department of Foreign Affairs (DFA), Department of Justice (DOJ) kag Department of Migrant Workers (DMW) agud mapatuman sa pungsod ang bag-o nga programa.
Sa record sang Department of Migrant Workers, yara sa 1,254 nga mga Filipino ang napamatbatan sa mga pungsod sa Asia-Pacific, Europe kag Middle East may kaangtanan sa mga kaso nga kriminal.
