MANILA, Philippines – Gintawag ni private prosecutor Atty. Lorna Kapunan nga ang sistema sang paggasto kag pag-liquidate sang confidential funds “CFs”, sang Office of the Vice President “OVP”, nga isa ka “scam,” sa ika-12 nga adlaw sang impeachment trial ni Vice President Sara Duterte.
Sa ginpatigayon nga impeachment trial, ginpamangkot ni Kapunan si COA auditor Roderick Wamil kon ano ang nagakaigo nga classification sang mga iregularidad sa paggamit sang confidential funds sang OVP kag Department of Education “DepEd”.
Suno kay Wamil, base sa Paragraph 8.3 sang Joint Circular No. 2015-01 nga nagadumala sa paggamit sang CF’s kun sa diin ang kapaslawan sang isa ka responsable nga opisyal sa pag-liquidate may yara sangsalabton bilang “Prima Facie Evidence”, nga nagakahulugan gin-gamit pondo sa personal nga kaayuhan.
Nagpangabay naman defense counsel nga si Atty. Michael Poa, sa pahayag ni Atty. Kapunan nga “scam” bangud ginakabig ini nga “out of order,” kag ginsuportahan ini ni Senate Impeachment Court Presiding Officer Francis Escudero.
Ginpamangkot ni Atty. Kapunan sakay Wamil kun si VP Duterte mahimo nga mangin accountable officer sa gihapon kun mapamatud-an sang pagkadula sang pondo suno sa joint circular.
Sa iya testimonya, ginpahayag man ni Wamil nga wala nakapasa ang OVP sang nagasuporta nga mga dokumento para sa confidential expenses sini sang 2023, nga kabaliskaran sang ginamando sang Joint Circular.
Lakip sa obserbasyon sa Audit Observation Memorandum “AOM”, ang kakulangan sang ebidensya sang pagbayad kag dokumento nagapamatuod nga nangin husto ang intelligence ukon surveillance activities nga ginbasehan sang ginbayaran.
Ginpahayag man ni Wamil nga may P40M nga confidential funds sang OVP nga gin-gamit sa pagbakal sang bulong, apang suno sa Joint Circular, wala ini nalakip sa mga ginatugutan nga katuyuan sang paggamit sang confidential funds.
